de onverbreeckelyck, eeuwelyck ende tot allen tyden continuelycken so langh als ons ’t leven duert, nemende den Almoghenden Godt tot eenen ghetuygh op onse conscientie, dat wy noch met wercken, noch directelyck noch indirectelyck, met onsen weten ofte wille niet en sullen hier tegen contrarieren oft teghens doen, in eeniger manieren, ende omme deselve confederatie ende alliantie te ratificeren ende stedes te maken int eeuwigh: wy hebben gelooft, ende ghelooven mitsdesen, die een den anderen alle assistentie met lyf ende goet, als Broeders ende getrouwe gesellen, die handthoudende d’een aen d’ander, dat niemandt van de onse oft van onse gheconfedereerde sal worden ondersocht, onteert getourmenteert oft vervolght, in geender wyse, noch aen lyf noch aen goet, omme eenige respecten spruytende uytte genoemde Inquisitie, oft eenighsins ghefondeert op de Placcaten, tenderende tot die selve oft ter oorsaecke van deser onser confederation. Ende soo verre daer eenighe molestatie oft persecutie valt aen eenige van onse Broeders ende Gheallieeerde, van wien ende in wat manieren ’t selve soude moghen geschien: Soo hebben wy gelooft, geswooren, ghelooven ende sweeren hem te assisteren in sulcke, alsoo wel met onse goeden (jae dat meer is, met alles wes in onse macht is) sonder yet te sparen, ofte eenige exceptie oft subterfugie, hoe die soude mogen wesen, alles alsoo oft voor ons eyghen persoone ware, verstaende ende bescheyden wel uytdruckelycken, dattet ons niet sal voorderlick zyn, om ons te willen exempt maken, oft vry ende ontbonden achten van dese onse voorseyde confederatie, wanneer die selve
