Pagina:Een testament van een Jongman van Antwerpen.pdf/3

Beclagh Liedeken, van desen
Jonghman, dat hy ghemaeckt heeft in de
Ghevanckenisse tot Diest.Op de wijse
Mijn Ooghskens weenen, etc.

WIlder dan wilt, wie zal my temmen
placht ick te singen vroech en laet,
nu mach ic wel singen met droevige stemmen,
Dat my de Fortuyn heel teghen gaet.

My docht ik soude wel hebben ghevlogen
als een vogel doet in de locht
nu heb ick vrouw Venus borsten gesoghen
De liefde heeft my in lyden gebrocht.

Haer amoureus gesicht, haer vriendelijck wesen,
Haer lippekens root als een Corael
Haer Tandekens wit reyn wtghelesen,
Haer stemmeken klinc, als den nachtegael.

Daer op heeft zy twee blosende kaken
Haer hayrken is schoonder dan een Gout,
twee schoon bruyn oogen die vierich blaken
Sijn hert verheucht hem diese aenschout.

Haer handekens witter, dan Albaste
haer nagelkens zijn seer even gesnoeyt,
Mijn herte verheucht als icse mach tasten,
zoo is de liefde in alles ghegroeyt.

Sy is er seer fraey en net van leden,
Haer halsken witter dan een swaen,
Haer borstkens ront ende wel besneden,
Als een godinne siet men se gaen.

Alle haer vrindelycke treken,
En allen haer amoureus ghelaet,
heeft mijn jongherteken doorsteken
Soo dat ick ben heel desolaet.

By allen hare goede gratie
zoo heeft sy noch een dobbel hert
waer door ic lyd tot deser spatie
om harent wil, droefheyt en smert.

Schoon lief wilt toch eens overpeysen
Dat ic heb uwen mond ghekust
seer dicwils tot diversche reysen
Soo hebdy mynen brant gheblust.

Veel fraey habiten placht ic te dragen,
Gewrocht met Silver ende Goutdraet
Maer nu mach ic lieveken wel beclagen,
Dat ghy heb gheweten myn misdaet.

Waerom soo hebdy my doen vangen,
Waer heb ick dat aen u verdient
Ghy wout wel dat ick waer gehangen
Ick placht te wesen uwen vrient.

Schoon lief, is dit myn recompency
Ghy hebt my doen te vierschaer gaen
Vier oft vyf reysen om myn sentency
Daer ick vyf uren lanck heb gestaen.

Schoon lief als ghy dat volc siet loopen
Soo weet ghy wel dat ick sterven moet
Dan kompt met eemer en met stoopen
Versaet u lief dan met mijn bloet!

De doot en sou ick niet beclagen
Datse my door een ander quaem
maer nu so vallet my swaer om draghen,
Dat sy my komt door uwen naem.

Schoon lief wat syt ghy voor een Vrouwe
Hoe heeft u Nero zoo verblint
ghy wout dat syn hooft waer afgehouwen
maer die ghy neffens Godt bemint.

Waer is nu allen de caressen
Waer is nu soo menigen eet
ghy swoert te wesen myn Matressen
Wie dat het lief waer ofte leet

Noch om Vader noch om Moeder,
Noch om eenige myn voordaen
Noch om Suster noch om Broeder
my schoon liefke aftegaen.

Maer nu ghy my hebt versleten
als eenen bessem daermen met keert