6.
Wt Weenen den 17. April 1620.
s’Keysers volck hebben den dach naer den slach willen in nemen het Casteel van Rastenberch 4. mijlen van Horen, maer zijnder af gheslaghen, met verlies van 30. mannen doot daer voor gebleven, maer den dach daer naer is den Graef van Bucquoy seluer in persoone ghecomen met 4. duysent mannen, ende heeft het Casteel stracx om verre geschoten, ende in ghenomen met ghewelt, maer niemant laeten vermoorden, dan alles ghevanghen genomen cleyn ende groot datter in was, met eenen iongen Prince ghenaempt le Sr. de Trautmandorff, de welcke hy ghevanghen ghesonden heeft naer Crems, ende daer ghedwonghen heeft den Keyser te sweeren, ende ghetrouw te zijn, ende te kennen als zijnen Heere, & faire juré fidelité à ſa Mayeſté Imperiale.
Wt Weenen 18. April 1620.
Des Donderdaechs lestleden heel vroech zijn de Cosagghen duysent sterck zijnde met de Walen te peerde, wtghetrocken met 80. Heer-waghens, ende zijn gecomen op den Marc oft plaetse Stockenauw ghenoempt, ende hebben t’selue alles gheplundert,
