8
Cooplieden, de welcke alreede op gheschreuen zijn, ende die den Ghepretendeerden Coninck voor haren Rechten Erf-Heere niet en willen sweren, oft kennen ende de Confederatie met den Eedt niet en willen bevestighen, ende belouen t’onderhouden wat dat de Boheemsche, met haere Adherenten besloten hebben, daer salmen teghens procederen, ende tot Sinxen naestcomende haer Proces wt spreken, ende met vollen Raedt condemneren, wat datmen met hare goederen doen sal, soo langhe hebbense noch tijt die den Coninck niet en willen zweren.
Wt Praghe den 1. Mey.
De Polacken zijn wederom in Moravien ghevallen met veel volckx, ende daer groote schade gedaen, waer ouer de Moraviers eenige hondert hebben doot gheslagen, de reste int wederkeeren naer Polen, hebben ontmoet op de Moravische Frontieren vier duysent nieu Hongersche, alwaer sy malcanderen dapper hebben gheslaghen, so datter ouer beyde zijden ouer de xv. hondert doot gebleuen zijn, waer van de Polackers den slach verloren hebben.
Wt den Elsas 3. Mey.
Den Herr Marggraff van Dourlach, heeft hem om de stadt Iringen sterck beschanst, ende en wildt gheen volck passagie verleenen.
