6
in stucken. Dese dus haer geweer quijt zijnde zijn de voorsz. Borghers naer ghevolcht, roepende om haer gheweer, tot datter noch neghen Soldaten aen quamen, ende op de voorsz. Borghers ende Vrouwen mede aenvielen, om de selve te vermoorden. Een vande voorsz. eerste Soldaten quam volslaeghs op een Borgher gheloopen, meenende hem te doorsteken, maer den Borgher versettende met de slincker handt, is dien steeck maer ter zijden door zijn kleederen ghegaen, ende hy den Soldaet invallende, heeft hem by den kop ghevat, ende onder den voet gheworpen: Een ander Soldaet meende hem van achter te doorsteken, maer een Boerinne is daer tusschen geschoten met eenen Roey-riem, ende heeft den steeck neder gheslaghen. Onderwijlen quam den Onderschout diense meenden met reden en smeecken te bewegen om haer vanden overlast te beschutten. Doch heeft hy den goeden man, die zijn leuen so hadde ghedefendeert, met eenen stock wel ellendelijck als een hondt gheslaghen. Onderwijlen zijn de Vrouwen ende manspersoonen, ende by namen een Vrouwe die opt’ uyterste swangher ghingh, ende welckers man (als voorseyt is, so qualijc was ghetracteert daer en op andere plaetsen schandelijck gheplundert berooft en schoffierlijcken mishandelt. Daer zijn Vrouwen tot op haere hemde toe uytgheschoten. Ondertusschen zijnder noch eenen goeden hoop vrouwen en mans gevlucht verder van de stadt, ende comende by den Berchschen hoeck, meynende den Beyr ontloopen te wesen, zijnse inden muyl vanden Wolff ghevallen: want daer stont Duyn Claessen met zijn Grijpvoghels die al droncken en zadt ghemaeckt waren, die de Vrouwen ende mans terstont aentasten, de selue slaende ende alles uytschietende, selfs tot op haer hemde, so datse vande Boeren ende Boerinnen kleederen hebben moeten leenen om inde Stadt te comen. De Soldaten t’volc gheplundert hebbende isser Coopdag terstont aldaer gehouden, so dat de luyden daer haer eygen kleederen hebben moeten
