5
gheroepen dat hem een yeghelijck soude veerdigh maken, als dat de Turcken in groote macht op de been zijn, ende eenen aenslach ghemaeckt hebben met den Bethlehem Gabor, om in Polen te vallen, daer toe veel duysenden Polen ghereet zijn om te wederstaen.
Wt Augsburg van 24. Junij 1620.
Tot Vlm zijn die ghevnieerde Standen noch by een, ende gaen alle daghe te Rade, en Saterdage is dat volck wt den Elsas te peerde ende te voet hier by comen, ende Guntsberg ende Kaum een scheur weechs van den Marckgravischen Legher, hebben hun Quartier neer gheslaghen, een partije van het Beyersch volck thien duysent te voet, ende twintich Compagnien peerden zijn hier by, maer door den overvloet vant Water sullen moeten vertrecken, t’zy op der Thonauw oft Bohemen, maer dat en canmen noch niet weten waer datse t’hooft henen hebben.
Wt Franckfort.
Alhier ismen in grooter vreesen, dese omliggende Landen over alle is Crijsch-volck, den Adel, ende Boeren zijn in sorghe, men verstaet hier als dat den Keyser zijne macht by een heeft, dat hy wel hondert ende dertich duysent mannen sterck sal zijn, die in’t Paltsgraven Lant zijn oock in benautheyt, zy en weten niet oft op haerlieden aen sal comen, de boeren
