3
_vignet.jpg)
Wt Weenen met brieven van 8. Julio 1620. van diuersche plaetsen.
OP gisteren zijn hier veel goede tijdingen gecomen, te weten dat die van Moravien in grooten twist ende oploop zijn teghen den anderen, ende dat den Conte de la Tour niet alleenlijck alle zijne officien gequiteert en heeft, maer oock ghevanghen oft ghearresteert is, ende datse voorts by nae den Capiteyn van die Provincie doot geslaghen hebben, dat hunne Soldaten niet meer en willen dienen, mits datse 14. maenden ten achter zijn, ende noch gheene apparentie van gelt en is, schrijven oock tot Olmitz de Luteranen hun ghevuecht hebben by de Catholijcken, ende datter veel andere hun stellen teghen het teghenwoordich Gouuernement.
Daer is oock eenen Post ghecomen van Saxen, die de confirmatie brenght vanden goeden wille die dien Ceur-vorst heeft totten Keyser, ende dat hy be-
