5
vanghen met 20. waghenen gheladen met meel, diese naer den Legher vande Rebellen meynden te vueren, en fin zy worden altoos van ons gheslagen, op den staenden voet zijnder noch 30. vanden vyant overcomen, segghen dat den Conte de la Tour zijn Regiment heeft overgheset aenden Grave van Soulme, ende dat hy niet meer en begheert te dienen, gevende voor excuse dat hy oudt is ende seer met het Flezijn ghequelt, en fin wy crijghen soo veel volckx dat wy niet en weten waer employeren, ende daer compter daeghelijckx 30. 40. ouer, ende ons volck roept anders niet als int velt te gaene, soo dat zy moeyte hebben om hun te doen patienteren, t’welck oorsaeck is dat wy hopen mette hulpe des Heeren wat goets wt te rechten als wy sullen int velt gaen.
Wt Luxenburgh den 13. ditto.
Den Peys tusschen den Hertoch van Beyeren ende Vnionisten is ghemaeckt den iij. ditto alhier tot Luxenburgh zijn ghearriveert 1800. Italiaensche Soldaten, de naeste weecke verwachtmen eenighe Compagnien, met het Spaensche Regiment zijnde van dry duysent met 2000. Voetvolck Borgugnions, ende 800. Peerdevolck, Men verwacht wt Milanen die op de beenen zijn noch twee duysent Italianen.
