7
soude worden, jae Rijck ende Arm, cleyn en groot wort ghestelt op schattinghe, by foute van gelt heeftmen alhier de Joden aen ghesproken, die hebben alhier ghelooft op te brenghen 80000. Daelders.
De tijdinghe compt hier sterck van de macht die den Hertoch van Beyeren voorts brenght naer de stadt Lintz, soo dat te beduchten is datse sal moeten swichten ende accorderen, met den Keyser.
Tot Heydelberch wesende de Hooftstadt van Palsgraven Landt, zijn de Vorsten, als den Hertoch van Wirtenbergh, Marck-graven van Ans-bach ende Dourlach, met andere Heeren ende Oversten in 28. persoonen te samen gheweest, ende hebben daer eenighen Raedt gehouden, van daer zijn sy naer hunne quartieren verreyst, ende naer den Rhijn vertrocken, ende een deel Ruyters naer den Mosel stroom gesonden, niet wetende waer het Nederlantsche Crijsvolck invallen sal.
Wt Weenen.
Men verstaet hier den 3. Augusti als dat de stadt Lintz soude veraccordeert zijn, met zijne Doorluchticheydt den Hertoch van Beyeren, ende het Accoort soude ghemaeckt zijn, maer de Conditien ende Articulen noch onbekendt, de welcke men met den eersten sal vernemen.
FINIS.
Imprimi p.P.C.C.A.
