4
ghemaeckt, datse souden by een brenghen een menichte van Chrijsch-volck, soo te voet als te Peerde d’welck sy noemen de macht des Veldt-Legers van de Evangelische oft Protestanten des Duytschen Rijckx, teghen den Veldt-Oversten Generael des Conincx van Spagnien, den Marquis Ambrosius Spinola.
Alsoo nv de Protestanten oft Ghev-nieerde Vorsten hunne Crijschmacht by een ghebrocht hebben, soo hebbense hun volck doen verghaderen by Oppenheim, alwaer sy een Brugh hebben ghemaeckt ouer den Rhijn, wandt sy vernamen dat den Marquis Spinola naerder quam.
Den Marquis heeft op den 19. Aug. beghost onder Coblents ontrent een booch scheut weechs onder dat stercke Casteel Herberstein, ouer den Rhijn een Brugghe doen slaen, de welcke den 20. volmaect was, onder tusschen soo is het Chrijschvolck alles by den anderen ghecomen, op het groote veldt by Cobelentz alwaer de monsteringhe is gheschiedt in presentie van zijn Excellentie den Marquis Spinola, ende veel andere Heeren, Princen en Graven, Gheestelijcke ende Weerlijcke, die daer quamen om te ziene, sittende in Coets waghens, sommighe te peerde, ende menichte te voete, het was eenen lust om sien allen het fraey Chrijschvolck, soo te voedt
