7
voetvolck wt den Legher by Brisnitz, namentlijck twee Regimenten van xx. Vendels wesende 7000. mannen sterck, by Alidresen intrent Stolpen opghebroken, met vier Veldt-stucken, vijf Muerbrekers, zeuen Mortiers, ende t’sestich Artillery Waghens, de welcke 200. Soldaten vrouwen met vlieghende Vendels sijn naer ghetrocken, ende hebben int Dorp Weissagh overnacht, sy sullen morghen naer Bisschops werda marcheren, alwaer den gheheelen Legher sal t’samen comen, om naer Pautzen ende andere ses Steden te trecken.
Binnen dry daghen sal haer Keur-vorstelijcke Ghenade mette Hoff-Vane oft Cornette sterck wesen 800. Ruyters, ende andere 1200. peerden, ende het achterghebleuen volck naer marcheren oft volghen, morghen oft ouermorghen sal Hertoch Frederick van Saxen Altenburgh met het vry Vendel voedt-knechten 1200. sterck sijnde alhier comen, ende hem by de andere Regimenten vueghen.
Dit is t’principaelste datter nv corts ghepasseert is, men verhoopt metter hulpe Godts, dat eerlanck s’Keysers volck victorie sal hebben, want de Legers ouer al marcheren.
FINIS.
