sticheyt gesonden met Brieven vanden Veneetschen Bailly in Date vanden 20 vande voorleden maent, by welcke men heeft ghehadt seer versekert Advijs, dat de Janitsaren sijn gherevolteert teghen den Grooten Heere oft Turck met alle gheweldt, datmen can bepeysen, dat sy hem hebben affghesedt, ende in zijn plaetse ghesteldt zijnen Oom ghesloten ghevonden int Servaille in eenen kelder, daer hy wat waters ghebreck hadde.
Den voornoemden grooten Heere affghezedt zijnde wert op den selven dach gheleydt voor zijnen Oom den Sultan, voor den welcken hy op zijn knien vallende en heeft niet anders begeert dan het Leven. Maer ghesedt inde zeven-torens werdt door t’bevel vanden selven t’sanderdaechs verworght oft ghestranguleert. Men versekert ons oock vande doodt vanden Jongsten Boreder vanden Overledenen: alsoo datmen seyt, dat het Huys vande Ottomans met desen Sultannaer blijft onbequaem om naercomers te hebben. In de hitte van desen oproer sijn doot gheslagen gheweest den eersten Vizir, vijff Bassen, ende xij. Eunuchen, des Grooten Turckx Favoriten, ende andere zijne Vrienden met bycans gheheel sijn Hoff, welcke moghen sijn ontrent vier Duysendt
