Tijdinghe uyt verscheyde Quartieren/1621/10 april/VVt Durtschen Riet, inde Over-Pals den tvvee-en-tvvintichsten Martij. 1621
| ‘VVt Durtschen Riet, inde Over-Pals den tvvee-en-tvvintichsten Martij. 1621’ door een anonieme schrijver |
| Afkomstig uit [Tijdinghe uyt verscheyde Quartieren], [zaterdag] 10 april 1621, [p. 1]. Publiek domein. |
VVt Durtſchen Riet, inde Over-Pals den tvvee-en-tvvintichſten Martij. 1621.
Dat Keyserlijcke volck ruckt teghens Ellenboghen te samen, plonderen opt landt alles uyt, zijn voor 8. daghen soo nae aen Ellenboghen ghereden dat sy met musquetten inde selve Stadt gheschooten hebben, dan alsoo die uytter Stadt wederom vier gaven, ende 20. man doot schooten, hebben sy sich wederom gheretireert.
Des Churv. volck zijn 200. sterck op Streslits gecomen, doch die van Egher willen gheen gheschut laten volghen, segghen tselve selfs van doen wesen. Haer
[ 2 ]Sijndicus is afghedanckt, ettelijcke vanden Raedt comen nimmermeer opt Raet huys, die gantsche gemeynte is tegen den Raet, also dattet een quaet aensien heeft. Daerenteghens zijn die Elleboghers resoluyt eenen belegheringhe uyt te staen, hebben alle huysen de dacken afghenomen, ende met eerde, uyt vreese van brandt bewarenlaten, beschantsen sich teghens de graft met pallesaden, ende sieter noch suyr uyt.
Die ghemonsterde Mansveltsche Ruyters zijn een deel nae Kirschauw, ende daerom heer gheleght, sal een Armade van 16000. man te samen brenghen, waer onder noch 4000. van des Landts uytschot sullen ghesteken worden, heeft eenen groote impresa voor, den Carpezau is van Elleboghen nae Nieuwstettel by Mansvelt ghetrocken, deselve heeft ondertusschen dat bevel den Generael Obertrout overghegheven.