leden is niet dat de Spaegniaerts doen een hayr beter waren dan se nu zijn (want sy in Indien ende elders daer se volcomelick hadden te ghebieden, haer boose aerde ende natuere, mergaders haren tyrannischen wille ghenoechsaem bewesen hebben:) maer hare eergiericheyt ende hooghmoedicheyt werdt eenichsins achterwaerts ghehouden, door de goede affectie die de Keyser den armen onderdanen van herwaerts over was draghende, ende om dat dese Landen vol waren van voortreffelicke Heeren, oock van cloecke ende verstandighe Mannen, aerdende nae haren ouden Edeldom (dien wy oock van herten souden wenschen datse kinderen hadden die hen gheleken) de welcke dienstelick ende bequame waren om der Spaegnizerden, dertelheyt in den toom te houden, ende tot een teghenghewichte teghen hare groote hooveerdije ende vermetenheyt. Soo willen wy dan comen tot den navolghenden tijde, onder deses Conincks regieringhe: wt defer redene mede, om dat hy (die s'Keyfers goeden alleene, ende niet zijne deuchden ghe-erft heeft) de ghene is die ons op soo Barbarifche ende tyrannische wijse nu comt bespringhen.
Als de Keyser Karel van hooghloffelicker gedachtenisse, ende de Coninginne Maria sa-
