humeuren te purgeeren: maer wy en conden ons niet wel laten duncken, (dewijle dar wy van weghen onfer jonghe Jaren ende cleyne ervarentheyt doe ter tijdt soo grondelicke de boosheyt der Spaegniaerden ende harer aenhangheren, die noch soo diepe verborghen lach, niet en conden ontdecken) dat wy eyndelick souden bedwonghen werden dat brandt-ijser ofte cauterije teghen desen kancker van Spaegnien te ghebruycken, ofte ymmers tot aen 't scheermes te comen. Maer nae dien dat met onsen Jaren oock ons verstant heeft toeghenomen ende versterckt is worden. Soo zijn wy van een ander ende seer verscheyden meyninghe gheworden, dan vele waren, die niet en conden ghedencken dat de wreedtheyt ende rafernije van de Spaegniaerden haer soo verre hadde connen wtstrecken. Want daer en is niet ghebeurt, dat wy al over langhen tijdt van te vooren niet sekerlick en hadden verwacht, ghemerckt dat wy van hare wreede, gierige, ende hoochmoedige manieren van doen seer eygentlicke kennisse droegen. Daerom willen wy den voorsz. tijdt van den Keyser Karel voorby gaen, de welcke oock gheensins en is te verghelijcken in manieren van excessen ende tyrannije, by den tijdt die naderhant onder zijns soons regeringbe ghe-
