noech wtwijst de blootheyt hares herten d'welck na de deuchtsaemheyt harer voorouderen gheensins en is aerdende:) Wy en souden oock soo veel woorden ende soo wijtloopende redenen alhier niet għebruyckt hebben, maer hadden onse ontschult rechte voort in den beginsel verclaert, ende bewesen hoe swack ende bawvelligh dat de grondtlegginghe ende fondeersel derselven is. Maer aenghemercke dat sy lieden, om ons by alle menschen verhaet te maecken, liever hebben ghehadt eenen hoop lasteringhen ende smadelicken naerprekens in den eersten aencommen de gantsche weerelt voor oogen te stellen, ende in t'vervolch harer redenen hier ende daer (selss daer 't niet met allen te passe en comt) de selve oock mede doer te reghen ende onder tusschen te steken, sonder schaemte, ende seer schandelick van ons sprekende: Soo hebben wy voor noodich, jae voor seer redelick aenghesien sodanige valsche beschuldingen te verantwoorden: ten eynde dat niet lichtelick yemandt door sulcke onwaerachtighe redenen beweecht oste valschelick bericht zijnde, dese onse verweeringe met vervremden herte van ons aenneme, anders dan t'ghemeene recht van alle volcken ende die gherechticheyt is vereysschende. Soo veele dan belangt desen
