hoop van lasteren, daer doer wy so smadelick besaent ende gheschendt werden, (de welcke wt desen Ban wtghedaen zijnde, anders niet dan eenen roock oste damp en sal overblijven:) Wilt doch acht nemen, mijnę Heeren, hoe slecht, hoe eenvoudich, ende sonder eenighen ghesochten schijn ofte verwe dat onse verweeringhe, is, die wy daer teghen ghedencken te ghebruycken ; Soo ghy ons oyt voor sulcks hebt aenghesien ofte ghekent, als onse vyanden, nu opentlick zijn wtgevende, ofte soo wy sodanige verwen draghen zy aen onsen lichame ofte siele, met den welcken, de ghene, die dit gheschrifte ghesmeedt heeft, hem darf beroemen ons, ten rechten afghecontrefeyt te hebben, (d'welck ghy, mijne Heeren, alderbest behoort, te weten, dewijle dat wy van joncks op onder ulieden verkeert, ende nerghens elders den tijt onses levens dan by ulieden overghebracht hebben:) Soo zijn wy wel te vreden, dat, ghy ons weyghert ghehoor te geven, ja dat ghy slechts niet een eenich woort wt onsen monde comende, en luystert ofte verstaet. Maer soo wy daerentegen in onsen gancschen leven beter eeren weerdt, veel oprechtigher, ons meer onthoudende, min tot giericheyt gheneghen zijn gheweest, dan deghene die hen ghemoeyt hebben met dit
