selve eyghentlick toe behooren: Soo ist dat ick V. Con. Mt. in aller onderdanicheyt bidde ende versoecke, de ghestaltenisse van de crijmen ende lasteringhen, daer ick by dese Proscriptie mede beswaert werde, métgaders de qualiteit van mijhen persoon te willen van te vooren overweghen ende insien, eer dat V. Con. Mt. van dit mijn geschrifte sal oordeelen. Want hadde de Coningh van Spaengnien te vreden geweest met dien dat hy mijnen sone ende mijn goeden my is onthoudende, metgaders dat hy vijfentwintigh duysent croonen op mijn lijf gesett (also hij nu in desen Ban doet) belovende edel te maecken alle de hen souden laten ghebruycken om my dat leven te benemen, ende hen noch daer toe quijt te schelden ende te vergheven alle crijmen ende misdaden hoe groot dat die oock wesen mochten: so hadde ick gheduldiglick verwacht, tot dat het Gode soude belieft hebben hier in anders te voorsien, ofte emmers ick hadde doer eenighe ander middelen (gelijckerwijs ick hier te vooren gedaen hebbe) my selven ende demijne ghepooght te behoeden, metgaders wederom in de possessie te commen van t'gene dat my met rechten is toebehoorende: ende waere also ghebleven by de selve manniere van doen, die ick tot noch toe ghevolght
