behoorde niet ons lieden veel meer toe dat selve te richten, die so grootelicx daer in geinteresseert waren, dan dry ofte vier monicken ofte Inquisiteurs van Spaegnien? Maer wie weet, oft by daer mogelicke conscientie af maeckte, dae hy soude sulck eenen tot erfghename laten, dien hy hielde als in ons echten houwelicke gheboren: nademael dat hy, wel wifte, doe ter tijde als hy hem geliet de Infante van Portugal, des voorschreven Don Karels moeder, te trouwen, hoe dat hy ghehouwt was met Donna Isabella Osorio, by de welcke hy ooc twee ofte dry kinders heeft ghehadt, daer van dat d'eerste heet Don Perro, ende d'ander Don Bernardino: van d'welcke houwelick Rigomes Prince van Yvoli, so hy noch by leven ware, goede ghetuyghenisse soude connen gheven: want hy selve dat houwelick ghemaeckt hadde, waer door hy oock in Spaegnien in soo groot vermogen ende aensien, ende aen soo groot een goet is gheraeckt: d'welck men met, grooter ondanckbaerheyt van zijnen weduwen allenskens als met een sponcie nu is opdrooghende ende weder wt wringhende. Soo hy dan hem soo wel ghedraghen heeft in dit ghewaent houwelick, t'ghene dat hy na der handt, met de dochter van den Coninck van Vranckrijcke heeft ghecontracteert,
