en was niet veel gheluckigher: want boven dien dat hy eyndelick de Coninginne zijn gheselnede vermoort heeft, so is hy by haren leven oock berucht worden van wegen eenes mereklicken, ende wel ghequalificeerden overspels, te weten dat hy ghewoonelick huys ghehouden heeft met Donna Eufrasia; de welcke van hem bevrucht zijnde, soo bedwanck by den Prince van Ascoli de selve te trouwen, ende binnen corten tijdt daer naer (alsoo de dienaers van de tyrannie selve segghen) quam dien armen Prince van onghenoechte te sterven, siende dat hy niet en conde beletten (als die veel te sterck een partije tegen hem hadde) dat eens anderen bastaert-kinde niet en soude zijn erfghenaem werden. Maer die van den saecken veel ghewisselicket spreken, de selve willen vastelick segghen dat hy een brocke creech veel lichter om nederwaert te swelgen, danse was om te verteeren. Ende nu degene die met een croone van drye soodanige houwelicken verciert is, jae tot drie reyaen toe in zijne houwelicke staten, hem alsoo ghedraghen hebbende, darf ons noch daer toe ons wettighe houwelick verwijten.
Maer al waert dat hy soo niet bevleckt en ware, ende, datmen hem mochte voor onschuldich houden Soo en besorghen wy
