7
Legher naer Passauw te trecken, om het secours te beletten datter compt.
Men heeft hier den xvi. snachts in de stadt eenen grooten brandt ghehadt, ende is ghecomen door een meyssen die het licht qualijck bewaert hadde, waer mede is oock afghebrandt tot den gronde toe Sinte Benedictus Kercke.
Wt Praghe den xix. Januarij 1620.
Men is hier besich om eenen Generalen Landtdach te beschrijuen, waer ouer men den 5. man hier op sal nemen.
Als ghisteren zijn hier stercke Placcaten aengheslaghen, van weghen den gepretendeerden Bemerschen Coninck, waer in hy doet verbieden alle Dans-spelen, Mommerijen Musiek, ende Dansscholen, ende datmen soude twee uren daechs bidden, ende tweemael ter weken te kercken comen, ende des vrydaechs, ende swoensdaechs vasten.
Wt Praghe den xxvi. ditto.
Den gepretendeerden Bemerschen Coninc soude als morghen van hier verreysen naer der Slesien ende Moravien.
Ouer eenighe daghen zijn door Passauw ghepasseert xxv. Vendelen Italianen ende Walen, onder t’beleydt van Don Balthasar, ende zijn naer Budweys ghecomen, die doen daghelijckx groote schade met wtvallen int Coninckrijck van Bohemen, die
