7
van Bucquoy gheschoncken, die hy noch te voren ghejont heeft Roosenberch, ende Graitz.
Den anderen Legher van de Catholijcke Christene Ligue ten voordeel des Roomschen rijckx is seer gheweldich sterck ontrendt de Frontieren van Beyeren ende Aus-bourgh ende neempt daghelijckx zijnen was, waer op het ghelden sal is Godt bekendt.
Naer de verghaderinghe des rijckx ghehouden te Wirtzbourgh, sijn ten versoecke des Hertochs van Saxen ghereyst tot Mulhausen een rijckx-stede, den Cheur-Vorst van Mentz ende Ceulen, mits de Gedeputeerde van Trier ende sommighe andere, sullen daer vinden den Hertoch van Saxen, den Landt-Grave van Dormstadt, met noch sommighe andere, oock de Ghedeputeerde des Hertochs van Beyeren ende des Bis-doms van Salitzburch.
Den Landt-Grave van Hessen, in Duytslandt, ghehouden voor een van de Aldervaste Herssenen diet met Calvinus houden heeft in seluen daer oock willen vinden, ende versocht dat hy oock mochte als andere daer gefouriert worden, maer het is hem pladt af ghezeydt.
Van weghen der Christene ende Keyserlijcke Ligue, sijn ghesonden naer den Paus van Roomen, ende andere Italiaensche Princen, den Deecken van
