4.
De Cosagghen hebben nv wederom wt gheweest ende zijn in Moravien gheloopen tot Lumpenborg in Moravien, ende hebben de selue plaetse gheplundert, daer naer zijnse gheloopen tot de stadt Niclaesburch, dat den vyant lestmael ghewonnen heeft daer hebbense de voorstadt altemael af-ghebrandt, den Cappiteyn Stubenfall, heeft zijne Ruyterije over alle doen op de been comen, maer was te laet de Cosagghen waren wech, hy wildese naer rijden, maer was te vergheefs.
Hier is een vremde sake voor handen den Graeff Tampier wilt met een partije vant leger in Moravien vallen, ende den Grave van Bucquoy in d’ander zijde van Bohemien, het gheschut ende Ammonitie is al wech naer den Legher, den Hertoch van Beyeren legher d’welcke den 3. Legher is, ende is sterck over de 30. duysent mannen, draeyt hem dan herrewaerts ende derrewaerts, de Bohemen weten niet waer datse het hebben.
Als gisteren is den Graeff van Tampier van hier par posta weder naer Langelois int legher verreyst, ende men heeft zijne Cosagghen 2. maenden ghelts ghegheven, zy wilden noch een maent ghelts op de handt hebben, die Cosagghen doen ontrent Crembs met rooven en branden groote schade, maecken veel arme Boeren, doen grooten moetwil, allen de Soldaten
