5.
heeftmen elck oock 2. maenden gelts betaelt, zy hebben lustich coragie om vechten, men verwacht eer lanck wat vremps.
Men verwacht oock den Eerts-Hertoch Leopoldus volck daghelijcx wt Tyrol, de welcke alle dage naer Passauw comen.
Den Boheemschen legher, ende het Mahrische-Chrijsvolck, hout hem noch rontsomme Retz, Eggenburch, ende andere Quartieren, ende hebben har Lose waer den Graeff van Bucquoy soude hennen trecken hem te volghen, ende sien waer hy met den legher henen wilt.
Den vyant is gheweldich sterck van volck soo te peerde als te voet, men seyt hier van 75. duysent, maer meestendeel Boeren, de welcke hun eyghen slachoorden sullen breken als zy souden mogen aen comen.
Wt Praghe den 12. April 1620.
Den 9. April is den Furst van Anhalt met den Hern van Lieffenbach alhier ghecomen, de welcke hier voor haer volck 3. maenden gelts ontfangen hebben, Ende hier is oock een ghesant gecomen wt den grawen bunten, datse des Keysers volck oft andere geen passagie en begheeren te verleenen, want den lande bedorven wort.
Het Keysers volck van Budweysz zijn op een mijl weechs naer by nieuw Huyssen ghecomen ende
