5
ke ghepubliceert was van datum 3. April, ende by aldien datse niet en comen datmen haere Privilegien ende benefitien alles sal benemen, ende verclaeren als Vyanden des H. Roomschen Rijckx.
Den Graef van Dampier so hy in een schermutseringhe is gheweest, heeft een quetsuere ghekregen waer van hy hem hier laet meesteren, ende verhoopt haest ghedaen te wesen, want hy noch daghelijckx te Hove compt ghereden.
Des Keysers volck beschantst haer daghelijckx sterck tot Hyderstorf aen Ramb gheleghen, ende men verstaedt hier als dat de Boheemsche wederom met acht duysent mannen versterckt zijn, ende eer een maendt noch meer ende meer, daer by sullen comen ende alsoo den nieuwen Gepretenteerden Boheemschen Coninck de Acte ende Executie vande Keyserlijcke Majesteyt wel verstaen ende vernomen heeft, soo verstaet men dat den nieuwen Coninck wilt seluer in persoon te Velde trecken.
Den xix. heuet hier tot Weenen inder nacht sterc ghereghent, ende daer is wt de Loecht ghevallen, in de stadt ende buyten op de Dorpen een materie als Solffer, waer ouer het volck seer verschrickt is, daer is veel volckx die dat selue hebben op gheraept, naementlijck op de nieuwe plaetse, oock op de Burchplaetse, oock aen t’Hoff, ende aen S. Stevens Frey-
