6
hof, waer van men is verwondert.
Wt Praghe 25. Mey.
Men verstaet hier dat den Gouverneur van Budweysz, ende den Heer van Kolowrath zijn met vijf duysent mannen, daer onder veel Boeren waren wt den Crumauwschen ghebiedt, voor de stadt Prachawitz in Bohemen ghecomen zijn, ende hebben die beschoten, ende twee stormen daer op ghedaen, die van binnen hebbent noch teghen ghehouden, waer ouer de Boheemsche quamen met ghewelt van volc om t’ontsetten, ende die van Budweysz gheen voordeel siende zijn wederom te rugghe ghetrocken, ende lieten hondert mannen achter die gheslagen werden.
Wt Weenen.
Deser daghen heeft men die provisie van hier nae Raab ende Comorra ghesonden, ende die Hungersche besetten ouer al haere Frontieren, men seyt hier dat Bethlem Gabor hem seer oprust om te compareren oft zijne Ghesanten op den Hungerschen Landach.
De Keyserlijcke Mayesteyt wilt daer twee Commissarissen tot Ambassadeurs henen seynden, den eenen Heer George Teuffel Vice Stadt-Houder tot Weenen, ende den anderen Graeff Philips van Solms.
