7
van allen canten, naer de Rijn trect soo veel volcx dat te verwonderen is.
Van der stadt Vlm wordt diverschelijck ghediscoureert, maer met de naeste ghelegentheyt salmen de puncten oft conditien breeder verclaeren, men verstaet datse den Keyser willen ghetrou wesen, ende en sullen gheen passagie weygheren, breken hun schantsen af op de Riuiere, ende sullen laten passeren ende repasseren, maer willen neutrael wesen, de particulariteyt van alles salmen met den eersten laten weten, ende t’ghene datter naer volghen sal, men vreest die van Nurenborch sullen achterdencken crijghen, want sommighe willen den Keyzer ghehoorsaem wesen, sommighe Rebellen niet. De stadt Vlm zal aen t’Beyersche volck dry maenden gagie betalen, men verstaedt dat de principaelste puncten ende Articulen zijn int Latijn besloten den lesten Junij diemen den Leser metten eersten sal verclaren.
Dit is t’principaelste datter ghepasseert is, Leest voorder in de vervolghende Boecxkens, oft Nieuwicheden Ss. ende Tt. daer suldy meerder in vinden.
