7
die den Noncius vanden Paus, den Ambassadeur van Spagnien, ende andere hem gesonden hadden, hy heeft eenen fraeyen staet, 8. Edelmans, 2. Pagien, ende 8. Lacqueyen, zijne Liureye is van swert gheblont Fluweel, hunne Mantels van Laken, ghevoedert met Fluweel, witte sijde cousens, ende de Pluymen wit, root, ende swert.
Men verstaet dat den Ceurvorst van Brandenborg heeft hem ghedeclareert voor den Keyser, ende heeft het hem selve gheschreven.
Den Coninck van Denemercken heeft hem oock ghedeclareert voor den Keyser, als oock den Hertoge van Brunswijck, Lunenborg, ende andere.
Den Conte d’Auerne Ambassadeur vanden Coninck van Vranckerijck is tot Vlms ghearriveert, ende aldaer de Princen Protestanten ghevonden hebbende, heeft hun ghedeclareert sijne commissie, ende ghelijck het meeste was raeckende de Croone van Bohemen, ende hoe die saecke ginghe, hebben t’samen gheantwoort dat hun sulcx niet gedeclareert en was, maer soo wanneer het soo is, dat zy den Palsgrave gheen hulpe noch bystant meer gheven en willen.
Den 30. Junio is vanden vyanden Legher inden onsen ouer ghecomen 40. Soldaten, ghelijcker oock alle daghen veel compt, die niet anders en verhalen
