4
Turck, can hy Coninck van Hongheren zijn, dat hijt niet en sal beletten, maer men verstaet ende verhoopt dat de Honghersche sullen doen als de Neder-Oostenrijcksche, ende de keyserlijcke Mayesteydt noch ghehoorsaem wesen.
Wt Regenspurg den 11. Julij.
Sijne Furstlijcke Doorluchticheyt den Hertoch van Beyeren is hier ouer d’water ghezedt, ende naer Straubingen ghereyst, ende is des anderen daechs met thien schepen naer Passauw ghevaren, ende de Noenmael tot Thonaustauff ghehouden, ende de Heeren hebben zijne Doorluchticheyt een mijl hier van de stadt een schenckagie ghepresenteert ende geschoncken, d’welck hy ghenadich ontfanghen heeft, ende heeft de Heeren ende Borghers van de stadt alles goets belooft ende bedanckt, ende daer is te lande ghevolcht met den Hertoch van Beyeren twee Regimenten voetvolck elck zijnde thien Vendelen, met hare volle Wapenen ende brandende Lonten, dese zijn door de stadt ghepasseert, ende naer t’Hoff ghetrocken, ende des anderen daechs te water naer Passauw ghevaren, des sondaechs isser weder een Regiment met xij. Vendelen ghepasseert, ende noch een met xvi. Vendelen, wederom met een xi. Vendelen, sterck ontrent dry duysent mannen, die zijn te water hier ouer ghesedt ende des anderen daechs
