5
souder wederom noch andere volghen.
Hier naer sal volghen dat Keysersche ende Eerts-Hertochs Leopoldus volck alles naer Passauw.
Wt Augspurg van xxij. ditto.
Als ghisteren is die leste Ruyterije hier door ghetrocken vanden Hertoch van Beyeren, Te weten, vier Cornetten Cuyrassiers, ende twee Compagnien Blaurocken, ende waren t’samen met de vorige xxx. Cornetten Peerden 2500. te samen voorts ghetrocken, het voetvolck werdt noch al euen dapper te water ouer ghesedt, ende daer compt soo veel Crijschvolck (by ghelijckenisse ghesproken) al oft scheen datse wt de Loecht reghenden, ende treckt al oppe tot Assistentie van de Keyser.
Den xx. quamender 50. waghens gheladen met eenighe duysenden ponden Poeyer, oock eenige waghens met ysere ballen geladen van xxx. pont swaer waer van oock noch eenighe quamen van Munchen, ende waren tot Wasserburgh aen comen, daer werden oock eenighe schepen met Harnassen, Pistolen, ende Roers naer Brauna ghevoert.
Daer waren oock gheladen vijf groote schepen met 29. stucken Geschuts, ende werden alles voorts ghevoert, ende die van Wasserburgh moeten alle weken leueren duysent Vaten biers, ende 22000. leib brooden tot behoef vant’ Beyersche Legher, ende
