6
den Hertoch van Beyeren is naer Passauw ghevaren.
Tijdinghe van 30. ditto.
Wy hebben Tijdinghe ontfanghen dat den Hertoch van Beyeren met zijnen gheheelen Legher vertrocken is naer Hooch-Oostenrijck, ende heeft aldaer de Stadt Lincktx beleghert aen d’een zijde, ende het volck vanden Hertoch van Saxen aen d’ander zijde, Godt gheue dat het alles wel mach ghelucken,
Wt Praghe.
Ouer eenighe daghen is hier een groot Rumoer gheweest int Huys van den Graef van Mans-veldt, also hy ouer Tafel is zittende gheweest met eenighe Cappiteynen ende Bevel-hebbers, soo zijnder een deel Soldaten ghecomen ende hebben den Graef ghelt ghe-eyscht, d’welck hy niet en hadde, ende sy hadden t’huys bezedt van buyten, ende quamen wilden hem vatten, hy is terstont van die Tafel ghespronghen, met de Cappiteynen ende ghevochten, ende kreghen de deure die bezedt was, en isser door ghesmeten langhs den Hof, soo datter ix. oft thien doot gebleuen sijn, ende de andere Soldaten zijn ghevlucht, hoe datter mede vergaen sal wilt ons den tijt leeren.
Men heeft hier den xxi. Julij ses groote stucken
