5
d’Ambassadeurs van Spagnien ende Florencen sonden elck eene.
Den Baron van Lesestain die Marischal vant’ Hoff hadde geweest ten tijde Hooch-loffelijcker memorie vanden Keyser Matthias, ghinckse ontfangen van weghen zijne Keyserlijcke Majesteydt, by den Danauwe, alwaer sy ontscheept waren. (Den Hertoch D’Angoulesme Ambassadeur van Vranckrijck is in zijn huys ghelogeert) Den Cappiteyn de Garde met t’volc van zijne Keyserlijcke Majesteyt ghinckse oock ontfangen, ontrent het Clooster Devenbourch twee mylen van Weenen, alwaer sy te water aen quamen.
Een half ure naer haere compste, den Heere Grave van Meccau, die welcke was ten tijde vanden Keyser Matthias Saligher memorie groot Chambelant den welcken haerlieden ginck willecom heeten ende de handen kussen, van weghen de Keyserlijcke Majesteyt. Den voorschreuen Grave en woude noyt eerst inde Camer ghaen vanden Hertoch d’Angoulesme, noch ooc vanden Heere de Bethune, nochtans hem t’selue dickwils deden aendienen, ende instancie deden, maer wel eerst in de Camer vanden Heere Monsieur de Preaux. Hy is ontfanghen aende poorte van een yeghelijck voor aen hare Salen van haer Logis. Aen den voorschreuen Hertoch accom-
