5
sche staten, den Heer van Thraun ende noch andere naer Weenen trecken om den Keyser te huldigen.
Hier is tijdinghe comen wt onsen Hooft-legher van Bohemen, als dat die T’scherotinsche 5. vendelen Soldaten sijn ghemuytineert, ende met vlieghende Vendelen een mijl weechs van den Hooft-Legher ghetrocken zijn, verwachtende noch twee Regimenten volckx die haer souden volgen om mede te muytineren, want sy wilden gheldt hebben, ende alsoo de twee Regimenten haer niet stracx en volchden, hebbense stilte ghehouden, waer ouer men haer terstont met eenige Commissarissen heeft met schoone woorden doen aenspreken, ende men heeft haer belooft te betalen, soo is den Generael met haerlieden veraccordeert, ende veel schoone belooften ghedaen, ende met Eede besworen, als datmense de toecomende weke sal gheuen twee maenden Ghelts, ende een maent in kleederen, ende datse souden willen wederom comen.
Hier tot Praghe ismen in vreese van gheplundert te worden, want de Soldaten hier rontomme veel zijn ende willen ghelt hebben, men verstaet hier als dat dat Engelsche ende Schotlandsche volck, dat in ouer Lausnitz gehouden wert om daer te beschermen, wort int Legher ghevoert.
Den 6. Augusti is hier den Nieuwen Boheemschen
