6
Coninck in persoon met sijn Huysvrouwe wt Praghe vertrocken, naer Brandisz, Prodebrot, ende Leissa om de plaetsen te besichtighen (soomen seyt) maer oft om andere saken is en weetmen niet, want hier slecht ghestelt is.
Hier int Slot heeftmen een Nieuwe Munte gebouwt oft ghemaeckt, ende dese weke salmen beginnen Goudt ende Siluer te Munten, ende eenighe Daelders te slaen, daer sal veel Gheldts af ghesedt ende Billioen ghemaeckt worden, de kr. van 12. ende 24. sullen ghansch verboden worden, om ander Gheldt af te maken.
Wt Znamb in Moravien wort van den vierden Augusti gheschreuen, als dat Keysers volck Seitzerstorff in Oosten-rijck gheleghen, ende den Heere van Landauw toebehoorende, ende zijn Proviandt huys is, beleghert is van Keysers volck met 3000. mannen, int Casteel sijn ouer de seuen duysent Emmers wijn, ende ettelijcke duysent Mudden graen, daer ligghen in een Vendel Voedtknechten, ende 2. Compagnien Ruyters, daer zijn ettelijcke Compagnien Hunghersche ende Moravische Compagnien op de been om te gaen ontsetten, watter af comen sal wilt ons den tijdt leeren.
Tot Nieuwensol isser een Turcksche Ambassadeur comen aen Bethlem Gabor, met bescheet als
