7
dat den Sultam oft Turck, met de Boheemsche, Moravissche ende andere Rebellen, wilt in accoort comen ende in hun verbont zijn, ende vrede houden, de Keyserlijcke ghesanten willen vertrecken, in gheenderley manieren daer af hooren spreken, ende qualijck te vreden zijn, de rebellen sulckx willen voornemen, de Keyserlijcke ghesanten willen met den eersten vertreecken ende naer eyndinghe van den Lantdach salmen de wtcomste sien, watter ghesloten is.
Den Churfurst van Saxen sent zijne Keyserlijcke Majesteyt tweelf duysent voetknechten, ende dry duysent peerden, waer van dese weke het volck gemonstert is, waer over alreets eenighe Compagnien naer Oschitl marcheeren.
Wt Weenen.
Alsoo den Hertoch van Beyeren de stadt Lints heeft inghenomen met alle het leeghe Oostenrijck, soo marcheert het volck nu naer Bohemen, den Bisschop van Wirtsbourgh ende Bamberghe sent vijf duysent voetknechten, ende ses hondert Ruyters naer Bohemen tot Assistentie van den Keyser, den Hertoch van Saxen treckt oock naer Bohemen.
FINIS.
