5
ghesellen, met Admirael Rolle, de welcke voor wt te peerde rede met andere Heeren ende Trompetters, waer naer volchden de Compagnien Boots-Ghesellen, ende werden voorts ghevoert van Cappiteyn Godyvaert de Bende zijnde te peerde, ende quamen dien dach tot Mechelen.
Wt Mechelen waren vertrocken 40. stucken Geschuts, soo Veltstucken als andere, waer mede waren veel waghens, ende op hadden menichte Pettars ende vierballen, met Grenaden, met noch eenighe Moortiers, oft stucken om Vier wercken te schieten.
Daer waren sulcken menichte van Ammonitie waghens datmen soude gheseyt hebben (by maniere van spreken) van waer comen allen de Waghens, elcken Waghen hadde in 3. schoone Peerden, soo de eerste Waghens waren binnen Leuuen wasser noch de leste binnen Mechelen.
Wt Wesel zijn den 6. Augusti vertrocken vijftien Vaendelen te voet, sterck te samen twelf hondert van t’oude garnisoen, ende waren ghemarcheert tot Nederweert, alwaer zy noch verwachten twelf duysent mannen.
Den selfden dach is mede van Wesel vertrocken den Cappiteyn vande Brugghen met sestich Bruggasten naer Berck, met haer nemende alle soo Brug als Schuyten, Ponten, mitsgaders alle de Lijnen
