6
ende Anckers die hy hadde, men vermoet dat hy een Brugh wel ontrent Bon mochte slaen.
Den 9. Augusti snoenens ten elf uren wasser gheladen t Hantwerpen op de Merebrugghe 25. wagens soo met Ghelt als Cleeren, waer van 4. Waghens groote witte vaten op hadden met Cleeren, de reste waren alle Gheladen met Ghelt, ghemerckt zijnde met een Bourgoens Cruys, elcken Waghen hadde in 3. stercke schoone peerden, ende op 3. Tonnen gelts, de sommighe Waghens hadden 4. Tonnekens op, ende brochten wt onder half Millioen, d’welck is 45. hondert duysent Gulden, oft 45. Tonnen gouts, maer daer is meer by gheweest, wanter noch sommighe Backwagens volchden, soo datter was 52. Tonnen Gouts, ende wert gheconvoyeert van 400. Spaengniaerden, wel ghemonteert te voet van het Casteel t’Hantwerpen, ende trocken ouer de brugge tot Waelen, ende quamen des auonts ten neghen uren voor de poorten tot Mechelen, de welcke eerste werden open ghedaen sauonts ten 11. uren, de Spaegniaerden werden van de Stadt ghedefroyeert, des smorghens voor ses uren ginghen de Trommelen ende moesten terstont marcheren naer Leuuen, al waer zy naer den noen arriveerden, ende quamen des avonts tot Thienen, ende soo voorts tot Maestricht, al waer zy het gelt convoyeerden, d’welck Ghelt
