3
_vignet.jpg)
VVt VVeenen den 26. Auguſti 1620.
DE Ambassadeurs des Keysers zijn van Nieuwensol weder comen, relateren, dat in Hongrijen de lichtinghe van Soldaten sterc voort gaet, ende datter eenen grooten toeloop van volc is, want zy hopen al te samen eenen goeden buet te crijghen, daer zijn oock alreede eenighe duysent Heyducken ouer de Teisa ghecomen, onder de welcke veel Teurcken zijn, die daghelijcx sterck voort marcheren, d’welck oock vele vande Honghersche Staten niet wel en ghevalt, ende mercken dat zy nae de duysternisse gheleyt ende bedroghen worden, begheren, daeromme andermael met haere Keyserlijcke Majesteyt tot Presborch te tracteren, in deser vueghen, te wetene, dat zy hem, soo langhe hy leeft, sullen houden voor haeren Coninck, ende Betlehem Gabor
