7
Wt Praghe den 31. deser.
En vrydaghe is vanden Hertoghe van Beyeren, (die alreede met 15000. mannen tot Vreystadt is gearriveert) alhier een Courier ghecomen met Keyserlijcke Patenten, ende brieuen aenden nieuwen Co. ende oock int besondere aende Staten van Bemen, Item aen Slesien ende Meyeren, daer by versocht wordt, dat den nieuwen Coninck het Conincrijc goetwillich soude ruymen, dat de Staten den Keyser voor hunnen Heere souden kennen, ende dat zy binnen drij daghen Cathegorice souden verclaeren henne Intentie, indien niet, soo soude hy stracx mette hem aenbevolene executie moeten voortsvaren, d’Antwoort sal insgelijcx oock wel soo scherp zijn, dat haere Doorluchticheyt hem noch wel sal bedencken eer hy soo haest sal voort varen, ende wanter alsulcken brieven aen die vander Lausnitz niet en zijn ghesonden, soo presumeertmen dat den Cheur-Vorst van Saxen de selve tweede landen sal opheysschen.
FINIS.
