5
daer toe en hadden.
De nieuwe Schip brugghe wert af ghebroken, ende het houdt werck meestendeel alles wel bewaert ende by t’samen gheleyt elcken Schipper met zijnen knecht, hadden daechs dry halve Conincx daelders.
Ondertusschen heeft den Marquis doen marcheren 6000. mannen met eenighe stucken Gheschuts naer Creutsenach, ende onder weghen werden eenighe Dorpen ghebrant, de Pfaltsche Boeren liepen alles wech, den Marquis hiel den voorighen legher int ghesichte van de Protestanten, om haerlieden te Ainseren, alst ghebeurt is, de Protestanten schoten 3. stucken Gheschuts af in hunnen Legher, ende begosten op te breken, den Generael van de Protestanten trock op met duysent Musquettiers, ende eenighe Compagnien Ruyters om t’legher te volghen, om te sien waer dat het volc van den Marquis trecken soude.
Maer alsoo sy vernamen dat het principael leger vanden Marquis noch by Oppenheym tegen haerlieden bleef ligghen, quam den Ouersten van de Protestanten wederom te rugge int Legher, om andere Ordinancie te gheven, ende leyde de Musquettiers, teghen den Marquis legher aen op eenen berch, al waer men sach den Marquis Legher ligghen, met allen de waghens in orden.
