6
Middeler tijt nam den Marquis Creutsenach in ende dede met Petars de Gauspoorte springen, ende de stadt met goet contentement de Borgheren beschermpt, hy vont in de stadt vier duysent sacken meel ende veel provisie, oock veel wijnen, ende heeft de plaetse met Garnisoen besedt ghelaten.
Voorders nam Altheym in, d’welck de rechte passagie is naer Worms.
Den Marquis is weder om op ghetrocken met ettelijcke hondert waghens, een mijl weechs voorder, waer over den Protestanten Legher is oock op ghebroken, ende des smorghens vroech den 11. soo rede den Ritmeester Bergstadt met 3. Compagnien Ruyters wt van den Protestanten Legher ende ontmoet een Compagnie Ruyters van den Marquis Spinola volck by Winterheym, al waer zy teghen malcanderen schermutseerden, ende eenighe doot bleven, den Marquisens volck maeckten samblant oft zy hun weder wilden beschantsen by Altheym.
Wt des Protestanten legher verstaetmen als dat eenighe Compagnien Ruyters van den Protestanten, de welcke in Emboscade souden gheleghen hebben, een Compagnie Ruyters Arquebusiers van den Marquis Spinola souden aenghetast hebben, ende eenighe ghevanghen becomen ende ettelijcke gequetst.
Wt der Protestanten Legher is den Generael ver-
