6
t’vlucht al wech als sy de kompste van den Marquis vernemen.
Men verstaet dat Graef Hendrick van Nassouwen compt, met eenighe duysent Enghelschen waer onder de sterfte seer is, men wilden wel datmense saghen, wy verwachtense met goede devotie.
Tydinghe vvt Etſdorp.
Wy sullen morghen mette gheheele Armade opbreken ende eerghisteren zijnder eenige schepen met thien stucken Ghescht ende Ammonitie gearriueert die den Hertoch van Beyeren alhier ghesonden heeft om dat hy de selue niet wel ouer de Bergen en heeft connen voeren, die sullen wy mede nemen als wy op breken, ende ons vueghen by den Beyerschen Leger daer teghens leyt den vyant in zijn out quartier wel verschanst.
VVt VVeenen.
Item, dat Bethlem Gabor met 25. duysent mannen afcompt, maer dat hem te ghemoedt gaet den Graeff van Bucquoy met eenen Frisschen Legher, van alle oude soldaten, is wel te verhopen dat desen besneden haluen Turck, en half Calvinist lichtelijck in sijn boose Intente beldt sal worden, soo door de kloeckeyt van s’Keijsers volck, als door sommige duijsende Hongheren die den Keijser hunnen Heere
