5
en sijn tot nv toe noch niet ghestilt, ende eenige hondert Ruyters hebben hen t’samen gheretireert, daer omme is den Colonel Stibers Vendel, d’welck alhier int Bisdom heeft gheleghen, derrewaerts gheschickt, om sulcx te stillen, soo is alhier een Patent aengheslaghen, dat den twintichsten man hem sal moeten veerdich houden, om voorts te trecken, ende dat den 15. 10. ende derden man soo hy is gheseten hem sal ghereet houden, welc Placcaet hier niet seer aenghenaem en is, want de Borghers oft Inwoonders daer cleynen lust toe hebben om te velde te trecken ofte te gaen vechten, voor den Ghepretendeerden Coninck van Bemen.
Wt Praghe.
Men verstaedt hier dat den Hertoch van Beyeren is met zijn volck weder wt Bemen in Oosten-rijck naer Zwettal ende Horen ghetrocken met 14000. mannen te voet, xxxvj. Cornetten Peerden, ende xiiij. stucken Gheschudt, hy sal misschien metten Grave van Bucquoy den Beemschen Legher willen ouervallen.
Wt de Frontieren van Pulveris verstaedtmen alhier, dat in deselue contreyen 12000. mannen die wt het Rijck comen versamelen, die hennen wech naert’ Keurvorstendom Saxen nemen, versoecken quartier maer t’is hen af geslaghen, ende hebben al-
