6
hier om hulpe van volck gheschreuen.
Haere Keurvorstelijcke Genade van Saxen, sonder te verwachten den Courier diemen van hier heeft gheexpedieert, is met haeren Legher voor de Stadt Budisin ghetrocken, ende heeft derrewaerts gesonden met Instructie ende Keyserlijcke Patenten sijnen Raedt, ende Amptsman, den Heer Jacob van Grunthal, om mette Staten aldaer wesende, ende de Gedeputeerde vande Stadt te tracteren, Namentlijck dat sy hen, aen haer Keurvorstelijcke Ghenade, In den name van sijne Keyserlijcke Majesteydt ghoetwillichlijck souden willen ouergheuen, d’welck hy oock voorseker te weghe ghebracht ende vercreghen soude hebben, indien den Marck-Grave van Jegerendorp met sijn secours gheduerende t’selue Tractaet niet en ware int Landt, ende inder naervolgende manieren inde Stadt ghecomen. Dan alsoo sy verclaerden, datse henne Stadt selue wilden defenderen, ende datse gheen Garnisoen daer in en begeerden, soo heeft sekeren Cappiteyn vanden voornoemden Marck-Grave begheert ende ghebeden, datmen hem alleen met twee van sijne Dienaers oft Lijffschutters inde stadt soude laten, ende dat hy hen yet besonders van weghen des Heeren Marck-Graeffs hadde te refereren ofte segghen, d’welck sy consenteerden. Dan en hebben maer het cleyn Deurken oft
