7
Lincquet open ghedaen, daer en tusschen heeft den voorschreuen Cappiteyn zijne Soldaten gheordonneert, dat soo haest het Deurken oft Lincquet soude open wesen, datse de Pijcken ende Musketten daer tusschen souden steken ende inne dringhen, d’welck zy oock deden, ende hebben hen alsoo Meester ghemaeckt vande groote Poorte ende vande stadts vesten oft Mueren, d’welck de Borghers (die in haer wapenen stonden) siende, hebben hen in henne huysen ghesalveert, ende t’selve laten gheschieden, ende hebben den Ghedeputeerden vanden Keurvorst van Saxen, ende Heer Augustijn, Sint Agent van zijn Keijserlijcke Majesteyt int Hof vanden Keur-vorst van Saxen (die aldaer waeren ghesonden) ghevanghen ghenomen, ende doen vueren met 200. Ruyters nae Sitta ses mijlen van daer, hebbende hen alle henne gheschriften ende bescheeden af ghenomen, die alhier ghesonden sullen worden, Den Gouverneur Adolff van Gerstorff ende meer andere persoonen heeftmen inde ghevanckenisse ghestelt, ende men heeft de stadt met 900. mannen beset, soomen insghelijcx ooc heeft ghedaen Gorlitz ende Sitta, den Heere Marcgraeff heeft oock bevel de Huldinghe vant gheheele lant te ontfanghen. Voorders isser tijdinghe ghecomen dat Gorlitz is ghenomen is van s’Keysers volck.
FINIS.
