4
sonder yet wt te rechten op ghebroken, oft andersints soude hy Z’naim inden noot hebben moeten laten, hy heeft aen Bucquoy slach ghepresenteert, den welcken Bucquoy heeft gheaccepteert, daeromme heeftmen den Heere van Harrach inden legher van zijne Keyserlijcke Majesteyt ghesonden met het Consent vanden slach, den Beyerschen legher is ooc by Bucquoy ghecomen, ende liggen op de Z’naimer heyde.
Wt den legher des Keurvorsts van Saxen ligghende voor Pautzen den 20. deser.
Nietteghenstaende datmen met het gheschut dat wy tot noch toe hebben ghehadt, sonder op houden op de stadt Pautzen heeft gheschoten, soo vragen zy doch seer luttel daer nae, en Vrydaghe heeft den Graue Wolff van Mansuelt smorgens vroech, eenen Trompetter nae de Stadt gheschickt, ende andermael doen vermanen, hen ouer te geuen, ende binnen den tijdt van twee daghen finalijck henne intentie te verclaren daeromme men oock heeft op ghehouden van schieten maer die vande Stadt waren vrolijck ende wel gemoet, ende schoten met falquenetten, ende dobbel haecken dapper wter stadt blasende dickwils op eenen Jaghers Horen, ende maeckende een Jaeghers gheroep, ende staende voor de Tente van H. Frederick van Saxen van Altenborch eene Hellebaerde gheplant, is het breet yser seluer met eenen dobbel
