5
haecken scheut crom gheschoten, waer ouer een yeghelijck verwondert is dat haere Princelijcke hoocheyt hem met zijn, ende andere vry Vendelen soo seer bloot gheeft, inden auent ontrent den achten, hebben hen ontrent vijftich Mans buyten der Stadt voor de poorte herrewaerts naer’t Sliebens Regiment toe laeten sien, ende de Schiltwacht de selue gewaer wordende, soo heeftmen int selue quartier alarmme ghemaeckt sonder Trommel-slach, maer wantmen sach datse stracx te rugghe weken, ende voor de poorte bleuen stille staen, al waer zy van achter sterck ondersedt waeren, meynende de onse aldaer aen te locken ende besich te houden, omme daerentusschen van op d’ander sijde der grooter Voorstadt eenighe van henne Ruyters die inde bosschen verborghen lagen binnen te crijghen, soo bleef den Coronel, ende Capiteynen van verre staen, de dry Vendels, ende die vanden Coronel Goldtstein sijn ghewapent in henne schansen ghebleuen, ende ondertusschen heeftmen wt alle dry de Schansen 40. scheuten inde Stadt ende voorstadt gheschoten, des anderen daechs smorghens ontrent den twee uren hebben die vander Stadt henne voorstadt die haer is streckende nae Godtsteins quartier selue in brant ghesteken, soo dat al t’volck daer uyt heeft moeten trecken, men heeft mette halue cortauwen die s’daechs te voren waren ghearriueert, ende
