14.
vande Heere Staten luttel ofte niet kunnen wtgherechten, maer datse hem te vreden stellen alleen met zijn onderhout, ende t’ghene t’incomen vande Keucken aengaet. Ouersulckx dat t’recht der Staten is den Prince niet alleen met bidden, maer oock metter daet mogen vermanen, ende zijn Raedts-Heeren straffen, ghelijckse daer naer bethoont hebben tot Leyden, de meerendeel van Leyceysters vrienden om hals benghende.
Wat is dit toch al anders dan zijne Ouersten by beelden vergheleecken, met schoone ende kostelijcke Naemen van Princen vercieren? Te noemen een Gouuerneur ende geen dinghen moghen Gouuerneren? Den Hertoch van Venetien in pracht is een Pince: op Stadthuys een Raedts-Heer: inde Stadt een gheuanghen: buyten de Stadt een misdadighen, want sonder oorlof en vermach niet een voet buyten het Hoff stellen. Dusdanighen Gouuerneur van t’Nederlandt en heeft niet veel meer, in pracht veel min, hierom deur versoeck van zijn broeder den Keyser, en den Coninck van Spaengnien heeft Matthias zijn oude vrijheyt haestelijck verkosen.
Corts daer naer int iaer 1582. hebben wt Vranckrijck een andere de Personagie van een Prince doen aennemen, te weten den Hertoch Alenson, des Coninckx broeder, die zy met grooten staedt t’Antwerpen inghebracht voor haren Hertoch ghehuldt hebben. Maer met haer spotten ende gecken vergramt zijnde, als hy metter daet wilden Prince wesen, verliesende zijnen Adel, Volc, ende Bagaigie heeft met schande naer Vranckrijck moeten wederkeeren, segghende de Nederlanders gheen Prince te soecken, maer de schaduwe oft beelt van een Prince. Ende niet sonder reden, want zy so seer den Frans-man als den Spaengnaert wilden ghehoorsaem wesen, maer met den naem van Vrancrijck sochten haer erglistighe begheerten te bedecken, soo datmen claerlijck kunde bemercken, dat de Raedt-slaghen met Vranckrijck maer gheueynst en waren, wtbroeyende naderhant sulcken haet, ende afkeer tusschen den Frans-man ende de Nederlanders.
Tot noch toe en hebt ghy het eynde niet van haer bobbelheyt, want versmaet, ghequelt, ende by naer verraden vanden Fransman, vaeren naer Enghelant, ende int iaer
