5
De Cheurvorsten die vergadert gheweest zijn tot Mulhausen, int Landt vanden Hertoghe van Saxen hebben hunne Ghecommitteerde ghesonden aenden Palatin, om hem te vermanen, ende exhorteren inden name vande selue Cheur-Vorsten, dat hy soude renoncieren de Croone van Bohemen, ende het Coninck-rijck weder stellen inde handen van hare Keyserlijcke Majesteyt als aenden oprechten ende waerachtighen Coninck, ende hebben hem ouer sulcx ses weken ende eenighe daghen tijdt ghegeuen, om hem te resolueren, men segt dat den voorschreuen Hertoge van Saxen een groot volck by een heeft, ende dat hy gheresolveerdt is van dier zijden in Bohemen te vallen, om den keyser alsoo te dienen, ende helpen dat de Rebellen ghestraft worden.
Wt Franckfort schrijftmen datse aldaer tijdinge hadden wt Elsaten dat den Marquies van Dourlach die de passagie ghesloten hielde, de selue soude gheopent hebben, ende het Keyserlijc volc de passagie verleent, dan de sekerheyt en wistmen noch niet wel.
Wt Cassauw in Hongharijen 1620.
Bethlem Gabor is noch alhier, hy doet ouer al groote preparatie totten oorloghe maken, hy heeft vier daghen naer malcanderen alle daghe seven duysent mannen laten monsteren, de welcke hy naer den nieuwen Coninc van Bohemen seynden wildt, hy
