6
doet noch ghestadich volc lichten om eenen Legher van veertich duysent mannen t’samen te brengen.
Den voorscheuen Gabor hout des Keysers Gesanten tot Edenburg, noch strenghelijck gevanghen de welcke naer Constantinopelen reysen wilden.
Wt Weenen 4. Mey 1620.
Deser dagen zijnder van hier twee Couriers vertrocken, den eenen naer Bethlem Gabor ende den anderen naer den Coninc van Polen.
Den ouersten Stenzel heeft bevel van Bethlem Gabor dat hij de Hoochduijtsche Soldaten alle wt het Slodt tot Presburgh soude doen vertrecken.
Den ouersten tot Comorra is met vier duijsendt Hunghersche omcinghelt, den Gouverneur die daer in leijt houdet noch sterck voor den keijser, hoe wel hij om proviande gheschreuen hadde, den Gouverneur heeft eenen Ghesandt wt het Casteel ghesonden den welcken de Hunghersche terstondt bij den kop hebben ghenomen ende in stucken ghehouwen, ende de quartieren in de Thonauw gheworpen, sij hebben aen den Gouverneur ontboden, bij aldien datse hem connen krijghen van den seluen te doen, ende zijn doodt ghesworen, om dies wille hij soo langhe tegen houdt ende de Fortresse niet op en gheeft.
By Ordonnantie bouen die vant’ Chur-Vorstelijcke Collegie, is aenden Churvorst Pfaltz, oft gepepretendeerden
